News Political

නිමල් අගමැති කරන්න එජාපයෙනුත් මන්ත්‍රීලා – එජාපය කැබිනට් එක හදයි

ශ්‍රී ලංකා නිදහස් පක්ෂයේ ජ්‍යෙෂ්ඨ අමාත්‍ය නිමල් සිරිපාල ද සිල්වා මහතා අගමැති කිරීම සඳහා එක්සත් ජාතික පක්ෂයෙන් ද මන්ත්‍රීවරු 07 දෙනෙකු එක්ව ඇතැයි වාර්තා වේ.
එජාපයෙන් එක්ව ඇති මන්ත්‍රීවරු ගණන 07ක් බව තහවුරු නොකළ ආරංචි මාර්ගවලින් වාර්තා වේ.
ඒකාබද්ධයටත් ඇමතිකම් !
එක්සත් ජනතා නිදහස් සන්ධානය (ශ්‍රී ලංකා නිදහස් පක්ෂය හා ඒකාබද්ධ විපක්ෂය) පිහිටුවීමට නියමිත ආණ්ඩුවේ ඇමතිකම් ලබාගන්නා ලෙස ජනාධිපතිවරයා ඒකාබද්ධ විපක්ෂයේ මන්ත්‍රීවරුන්ට ද ආරාධනා කර ඇතැයි වාර්තා වේ.
ඒ ඒකාබද්ධ විපක්ෂ මන්ත්‍රී කණ්ඩායම හා ජනපති මෛත්‍රීපාල සිරිසේන මහතා අතර පැවැති හමුවේදීය.
ඒ අනුව ඉදිරියේදී ඒකාබද්ධ විපක්ෂයේ මන්ත්‍රීවරුද අමාත්‍ය ධූර කිහිපයක් ගනු ඇතැයි තහවුරු නොකළ ආරංචි මාර්ගවලින් වාර්තා වේ.
මේ අතර ඒකාබද්ධ විපක්ෂය හා ශ්‍රී ලංකා නිදහස් පක්ෂය අතර ඉදිරි ක්‍රියාමාර්ග ගැනීම සඳහා අමාත්‍ය සුසිල් ප්‍රේම්ජයන්ත් මහතා හා පාර්ලිමේන්තු මන්ත්‍රී දිනේෂ් ගුණවර්ධන මහතාගේ මූලිකත්වයෙන් යුත් කමිටුවක්ද ස්ථාපිත කර තිබේ.
එජාපය කැබිනට් එක හදයි !
එක්සත් ජාතික පක්ෂයේ ප්‍රබල ඇමතිවරු වන කබීර් හෂීම්, මලික් සමරවික්‍රම හා සාගල රත්නායක යන පිරිස අඟහරුවාද සිදුකරනු ඇතැයි පැවසෙන කැබිනට් සංශෝධය සඳහා එජාප සිරිකොත මූලස්ථානයේ අලුත් කැබිනට් මණ්ඩලය සකස්කරමින් සිටින බවද එජාප ආරංචි මාර්ගවලින් වාර්තා වේ.

(under the courtesy of srilankamirror.lk news web)

Related posts

සංචරණ සීමා ඉක්මවූ තීන්දුවක්..- අගමැති

Shiran Viraj

වැලිසර කදවුරේ කොරෝනා පාලනය අමාරුයි.. එහි තත්වය ඇමරිකාව, එංගලන්තය වගේ..- වසංගත රෝග අංශ ප‍්‍රධානී

Shiran Viraj

ලක් කතක් ලෝකයම පරදවයි.. විවාහක රූ රැජින කිරුළු පලදයි.

Shiran Viraj

Leave a Comment