නිරෝධායනය කිරීමට අවශ්‍ය එහෙත් දැනට ලිපිනයන් වෙනස් කර සැඟවී සිටින බ්‍රැන්ඩික්ස් සේවකයන් වහාම ස්වේච්ඡාවෙන්ම ඉදිරිපත්වී නිරෝධායනයට යොමුවන ලෙස හමුදාපතිවරයා ඉල්ලා සිටී,
බස්නාහිර පළාතෙන් පිටතට ගොස් සිටි බ්‍රැන්ඩික්ස් සේවකයන් 495න් අඩක් පමණ ස්ථිර ලිපිනයන්වල නොසිටි බවත්, කොළඹ සෙසු ප්‍රදේශවල ඔවුන් සැඟවී ඇති බවත් යුද හමුදාපති ලුතිනන් ජෙනරාල් ශවේන්ද්‍ර සිල්වා අරුණට පැවසීය.
කොවිඩ් පොකුර වාර්තා වූ බ්‍රැන්ඩික්ස් කම්හලේ සේවය කළ සියලුදෙනා නිරෝධායන මධ්‍යස්ථානයක හෝ රෝහලක මිස මේ මොහොතේ නිවාසවල නොසිටිය යුතු බවද ඔහු අවධාරණය කර සිටී.
මෙය ජාතික වගකීමක් සේ සලකා ආරක්ෂක අංශ හෝ සෞඛ්‍ය අංශවලට දන්වා වහාම නිරෝධායනට එක්වන ලෙස දන්වා සිටී.
රෝහල්ගතවීම හෝ නිරෝධායනය මගහරින පිරිස් සොයන බුද්ධි මෙහෙයුමට හමුදාව හා පොලිසිය යෙදවූ බවද හෙතෙම අනාවරණය කළේය.
එමෙන්ම බ්‍රැන්ඩික්ස් ආයතනයේ සිටින තම පෙම්වතිය හමුවීමට ගිය වෙනත් කර්මාන්තශාලාවක කළමනාකරුවකුද හඳුනාගෙන ඇති බැවින් එම ආයතනයේ පිරිස්ද ස්වයං නිරෝධායනයට ලක්කර ඇත.
පසුගිය දින ඊයේ බ්‍රැන්ඩික්ස් ආයතනයට ගිය හෝ එහි සේවකයන් අසුරු කළ අයද වහාම සෞඛ්‍ය අංශ වෙත යොමුවන ලෙසද ඉල්ලා සිටී
lanka lead news
