උණුසුම් කාලගුණයක් පවතින මෙම සමයේදී එළිමහනේ සිදුකරන කටයුතුවලින් හැකිතරම් වළකින්නැයි වෛද්‍යවරුන් ඉල්ලීමක් කරනවා. අධික උණුසුම හේතුවෙන් කුඩා ළමයින් විජලනයට ලක්වීමේ අවදානමක් පවතින බවයි ක්‍රිඩා වෛද්‍ය නිලධාරී වෛද්‍ය ලාල් ඒකනායක නෙත් නිවුස් වෙත කියා සිටියේ.
අධික උණුසුම හේතුවෙන් වවුනියාව පම්පමඩුව යුද හමුදා කවුරක පුහුණුවීම්වල නිරත වූ යුද හමුදා සෙබළුන් 14 දෙනෙකු ක්ලාන්ත වීම හේතුවෙන් රෝහල් ගතකෙරුණු පුවතක්ද ඊයේ (22) වාර්තා වුණා. ඊටත් වඩා අවදානම් තත්ත්වයන් වුවද අධික උණුසුම හේතුවෙන් ඇති විය හැකි බවයි වෛද්‍ය ලාල් ඒකනායක වැඩිදුරටත් පෙන්වා දුන්නේ.
අධික උණුසුම නිසා ඇති විය හැකි මෙවැනි අනතුරුවලින් වැළකීමට නම් දිවා කාලයේදී වැඩි වශයෙන් ජලය පානය කළයුතු බවද මෙහිදී ප්‍රකාශ කෙරුණා.
(under the courtesy of nethnews.lk news web)
