Local News News

අනියම් පෙම ගිනි ගනී

තම අනියම් සැමියාගේ සිරුරට පේට්‍රල් වත් කර ගිනි තැබූ බව කියන කාන්තාවක් අත්අඩංගුවට ගැනීම සඳහා විමර්ශණ කටයුතු ආරම්භ කර ඇති බව ආරච්චිකට්ටුව පොලීසිය කියයි.

සිරුරට ගිනි ඇවිලීම හේතුවෙන් ගල්ගමුව – ගිරිබාව ප්‍රදේශයේ පදිංචි 34 හැවිරිදි අයෙකු ප්‍රතිකාර සඳහා හලාවත මහා රෝහලට ඇතුළත් කර ඇත.

ඊයේ (21) සවස ආරච්චිකට්ටුව – ආනවිළුන්දාව ප්‍රදේශයේදී මෙම සිද්ධිය සිදුවී ඇති බව වාර්තා වේ.

සිද්ධියට සම්බන්ධ සැකකාර කාන්තාව විවාහක දෙදරු මවකි.

ඇය තම සැමියාගෙන් වෙන්වීමෙන් පසුව මෙම පුද්ගලා සමඟ වසර 11ක පමණ කලක සිට පමණ සම්බන්ධතාවයක් පවත්වා ඇති බවට කරුණු හෙළි වි ඇති බව  පවසයි.

අදාල පුද්ගලයා රියදුරේකු ලෙස සේවය කර ඇත.

සිද්ධිය වූ දිනයේද සැකකාරියගේ නිවසට අනියම් සැමියා පැමිණ ඇති අතර එම අවස්ථාවේදී දෙදෙනා අතර බහින් බස්වීමක් හට ගෙන තිබේ.

එම බහින් බස්වීම අතර තුර සැකකාරිය විසින් අනියම් සැමියාගේ සිරුරට පේට්‍රල් විසි කර ගිනි තබා ඇති බව විමර්ශණ වලදී හෙලිවී ඇති බව පොලීසිය සඳහන් කරයි.

තුවාල ලැබූ අනියම් සැමියාව රෝහල් ගත කිරීමට කටයුතු කර ඇත්තේද සැකකාරිය විසින්ම බවත් රෝහල් ගත කර ඇති අයගේ තත්ත්වය බරපතල නොවන බවත් රෝහල් ආරංචි මාර්ග පවසයි.
(under the courtesy of adaderana.lk news web)

Related posts

බිම් බෝම්බ ඉවත් කිරීමේ මෙහෙයුමකින් 5ක් මිය යයි

Shiran Viraj

දකුණත් දැඩි අවදානම්..! මීළඟ කොවිඞ් පොකුර පෞද්ගලික උපකාරක පන්තියකින්…

Shiran Viraj

ඥාතින් භාර නොගත් කොවිඩ් ආසාදිත මළ සිරුරූ රජයේ වියදමින් ආදාහනය කරයි

Shiran Viraj

Leave a Comment