News Political

රනිල් තනිවෙයි..එජාපයෙන් පලුවක් ගැලවෙයි.”දේශප්‍රේමි එක්සත් ජාතික පක්ෂය” නමින් අලුත් පක්ෂයක්

එක්සත් ජාතික පක්ෂයත් එහි නායකත්වයත් වර්තමානයේදී ජනතාවගෙන් ඈත් වෙමින් සිටින බව පවසමින් එම පක්ෂයේම පිරිසක් එයින් ඉවත් වී විකල්පයක් ලෙසට “දේශප්‍රේමි එක්සත් ජාතික පක්ෂය” නමින් නව දේශපාලන පක්ෂයක් පිහිටුවාගෙන ඇත.

නව පක්ෂයේ ප්‍රධාන ‍ලේකම් සුගත් හේවාපතිරණ මහතා සඳහන් කළේ 1994 වසරේ පටන් ව්‍යවස්ථාවේ පිහිටෙන් පක්ෂ නායකත්වය බලහත්කාරයෙන් අත්පත් කරගෙන සිටින වත්මන් නායක රනිල් වික්‍රමසිංහ මහතා පලවා හැරීමට හෝ ඔහුට අභියෝගයක් කිරීමටවත් කශේරුකාවක් සහිත නායකයෙකු එ.ජා.ප.යේ නොමැති බව ඉකුත් වසර 24 පුරාවටම ප්‍රත්‍යක්ෂ වූ බවයි.

මෙවැනි පසුබිමක අපේක්ෂාභංගත්වයට පත්වූ ලක්ෂ සංඛ්‍යාත එ.ජා.පාක්ෂිකයන්ට නායකත්වය ලබා දීම නව පක්ෂයේ ප්‍රධාන අරමුණ බවයි.

එජාපය අතහැර නොයන එක්සත් ජාතික පාක්ෂිකයන් නව පක්ෂයේ නායකත්වය වන අතර ඔවුන්ගේ හඬ පක්ෂයේ හඬ බවද ‍ලේකම්වරයා අවධාරණය කළේය. දශක 2 1/2ක් තිස්සේ පක්ෂය විසින් පාක්ෂිකයන්ගේ හඬ යටපත් කරගෙන සිටි බවද ඔහු පෙන්නා දුන්නේය.

රට දැය සුරකින රට නොරටුන්ට නොවිකුණන, ජාතික සමගියට කැපවන ජයග්‍රහණයේ කඳවුර ගොඩනැගීමට දේශප්‍රේමි එක්සත් ජාතික පක්ෂය සමග අත්වැල් බැඳගන්නා ලෙසටද පාක්ෂිකයන්ගෙන් ඔහු ඉල්ලීමක්ද කළේය.
lanka lead news

Related posts

ශ‍්‍රී ලංකාව අර්බුදයක.. පද්ධති සම්බන්ධ කර ඉන්දියාවෙන් විදුලිය ගන්න සාකච්චා…- රොයිටර්

Shiran Viraj

නාවික හමුදාවෙන් පුත්තලම පොලීසියටත් විෂබීජ හරණ කුටියක්

Shiran Viraj

ද්විත්ව පුරවැසියන්ට මේ රටේ තීරණ ගන්න ඉඩ දෙන්න බෑ – 20 ගැන මිනිස්සු අහනකොට උත්තර නැති වෙනවා- මැදගොඩ අභයතිස්ස හිමි

Shiran Viraj

Leave a Comment