News Sports Sports News

රග්බි ලෝක කුසලානය වෙනුවෙන් තරග කිහිපයක් අදත්

රග්බි ලෝක කුසලාන තරගාවලියේ තරග කිහිපයක් අදත් පැවැත්වීමට නියමිතයි.

මේ අතර තරගාවලියේ ඊයේ පැවති තරගයකින් ජය වාර්තා කළ දකුණු අප්‍රිකාව අර්ධ අවසන් පූර්ව වටයේ තම ස්ථානයේ තහවුරු කර ගත්තේය.

රග්බි ලෝක කුසලාන තරගාවලියේ B කාණ්ඩයේ තරගයක් ලෙස ඊයේ දිනයේදී කොබෝ ක්‍රීඩාංගණයේදී තරග වැඳුණේ දකුණු අප්‍රිකාව සහ කැනඩාවයි.

එම තරගය ආරම්භයේ පටන් පාලනය තමන් සතු කර ගැනීමට දකුණු අප්‍රිකා ක්‍රීඩකයන් සමත් වුණේ කැනඩා ක්‍රීඩකයන්ට ප්‍රභල අභියෝගයක් එල්ල කරමින්.

තරගයේ පළමු අර්ධයේ 9 වැනි මිනිත්තුවේදී,17 වැනි මිනිත්තුවේදී සහ 20 වැනි මිනිත්තුවේදී උත්සහක දිනුම් වාර්තා කරමින් ලෝක කුසලාන තරගාවලියක වේගවත්ව ලකුණු ත්‍රිත්වයේ වාර්තාව තමන් සතු කරගැනීමට දකුණු අප්‍රිකාවේ කෝබස් රොයිනාච් සමත් වුණි. 

ඒ දක්ෂතා සමඟ පළමු අර්ධයේදීම දකුණු අප්‍රිකාව අර්ධ අවසන් පූර්ව වටයේ තම ස්ථානය වෙන් කර ගැනීමට සමත් වුණේ ලකුණු 47 ට 0 ක් ලෙස පෙරමුණ හිමි කර ගනිමින්.

දෙවන අර්ධයේදීත් කැනඩාවට ප්‍රභල අභියෝගයක් එල්ල කළ දකුණු අප්‍රිකාව සිය ලකුණු සටහනට තවත් ලකුණු 19ක් එක් කරගත්තේය.

නමුත් කැනඩාවට රැස් කරගත හැකි වූයේ ලකුණු 7ක් පමණයි.

ඒ අනුව ලකුණු 66 ට 7 ක් ලෙස තරගයේ ජය හිමි කර ගත් දකුණු අප්‍රිකාව අර්ධ අවසන් පූර්ව වටයේ තම ස්ථානය තහවුරු කරගැනිමට සමත් වුණි.

(under the courtesy of adaderana.lk news web)

Related posts

ලංකාවෙත් පකිස්තානය වගේ බල පෙරලියක්..? විශ්වාස භංගයට, දෝෂාභියෝගයට 113 සම්පූර්ණයි..?

Shiran Viraj

“සන්ධාන ආණ්ඩුව බිඳ දමා තනි ආණ්ඩුවක් ඇති කළොත්” – නීතිවේදීන් නීතිය පෙන්වයි

Shiran Viraj

රුසියානු විශ්ව විද්‍යාල තුනක් අනුමත ලැයිස්තුවෙන් ඉවත් වුණේ අත්වැරදීමකින් – වෛද්‍ය සභාවේ සභාපති

Shiran Viraj

Leave a Comment