බත්තරමුල්ලේ පිහිටි සෙත්සිරිපාය පරිශ‍්‍රයට පැමිණි පිරිසක් අද (19) පත්වූ අපහසුතාවක් පිළිබඳ නෙත් නිවුස් වෙත තොරතුරු වාර්තා වුණා.
එහි සිටි අයෙකු නෙත් නිවුස් වෙත කියාසිටියේ පෙරවරු 8.30 ට කාර්යාලීය කටයුතු ආරම්භ වුවද පෙරවරු 9.00 තෙක් ජනතාවට කාර්යාල පරිශ‍්‍රයට පිවිසීමට ඉඩ ලබා නොදෙන බවයි.
මෙම තත්ත්වය සම්බන්ධයෙන් සෙත්සිරිපාය පරිශ‍්‍රය භාර බලධාරීන්ගේ විමසීමක් කළා. එහි ජ්‍යෙෂ්ඨ ප‍්‍රකාශකයෙකු සඳහන් කළේ අද දිනය බොහෝ ආයතනවල මහජන දිනය වූ බැවින් ආරක්ෂක විධිවිධාන වැඩි කර ඇති බවයි.
සාමාන්‍ය දිනවලදී ද ආරක්ෂක විධිවිධාන කි‍්‍රයාත්මක වන බවත් එහිදී පළමු අවධානය ආයතනයේ සේවකයින්ට ලබාදෙන බවත් මෙහිදී ප‍්‍රකාශ කෙරුණා. රටේ පවතින තත්ත්වය හමුවේ මෙම ආරක්ෂක විධිවිධාන ඉකුත් සමයේ අඛණ්ඩව සිදුකළ බව නාගරික සංවර්ධන අධිකාරියේ ජ්‍යෙෂ්ඨ ප‍්‍රකාශකයෙකුද සඳහන් කළා.
(under the courtesy of nethnews.lk news web)
