තම රටේ උත්තරීතර නායකයා ඇතුළු ඉහළ පෙළේ දේශපාලන සහ හමුදා නායකත්වය ඉලක්ක කර ගනිමින් එල්ල වූ ඝාතනවලට ප්රතිචාර දැක්වීම සඳහා ඉරානය මේ වන විට ‘හයවන ප්රතිප්රහාරාත්මක මෙහෙයුම’ නිල වශයෙන් ආරම්භ කර ඇත. ඇමරිකානු සහ ඊශ්රායල ඒකාබද්ධ ප්රහාර හමුවේ ජීවිතක්ෂයට පත්වූ තම නායකත්වයට යුක්තිය ඉටුකිරීම මෙම මෙහෙයුමේ මූලික අරමුණ බව ඉරාන විප්ලවීය ආරක්ෂක බලකාය (IRGC) අවධාරණය කරයි.
මෙම මෙහෙයුම සඳහා ඉරානය සතු අතිනවීන යුද අවි ආයුධ විශාල ප්රමාණයක් යොදාගෙන ඇති අතර, ඒ අතර ශබ්දයට වඩා වේගයෙන් ගමන් කළ හැකි (Hypersonic) ‘Fattah’ මිසයිල සහ එකවර සිය ගණනින් දියත් කළ හැකි මාරක ‘Shahed’ ඩ්රෝන යානා ප්රධාන වේ. ඊශ්රායලයේ ටෙල් අවිව් සහ හයිෆා නගරවල පිහිටි තීරණාත්මක මූලෝපායික මධ්යස්ථාන මෙන්ම ඉරාකය, සිරියාව සහ ජෝර්දානය යන රටවල ස්ථාපිත කර ඇති ඇමරිකානු හමුදා කඳවුරු මෙම ප්රහාරයේ ප්රධාන ඉලක්ක බවට පත්ව තිබේ.
ඉරාන බලධාරීන් පෙන්වා දෙන්නේ මෙය කලාපය තුළ පවතින ඇමරිකානු සහ ඊශ්රායල බලපෑමට එරෙහිව දියත් කළ තීරණාත්මක යුදමය පියවරක් බවයි. මෙම දැවැන්ත ප්රහාර මාලාවත් සමඟ මැදපෙරදිග කලාපයේ යුදමය තත්ත්වය තවදුරටත් උග්ර අතට හැරී ඇති අතර, ජාත්යන්තර ප්රජාව මේ සම්බන්ධයෙන් දැඩි අවධානයෙන් පසුවෙයි.
