අරාබි මුහුදු කලාපයේ දී ටොන් 3 යි දශම 5 ක හෂිස් මත්ද්‍රව්‍ය තොගයක් හමුව ඇති අතර එය ඕස්ට්‍රේලියානු නාවික හමුදාව භාරයට ගෙන තිබෙනවා.
විදෙස් වාර්තා කියා සිටියේ අරාබි මුහුදේ ඒකාබද්ධ මුර සංචාරවල නිරත ඕස්ට්‍රේලියානු යුද නෞකාවක් මගින් මෙම ටොන් 3 යි දශම 5 ක හෂිස් මත්ද්‍රව්‍ය තොගයක් අත්අඩංගුවට ගෙන ඇති බවයි.
එම මත්ද්‍රව්‍ය තොගයේ වටිනාකම ඇමරිකානු ඩොලර් මිලියන 142 ක් වන බව සඳහන්.
සැක කටයුතු යාත්‍රාවකින් ප්‍රවාහනය කරමින් තිබූ මෙම මත්ද්‍රව්‍ය තොගය අත්අඩංගුවට ගැනීමේ මෙහෙයුම සඳහා බ්‍රිතාන්‍ය රාජකීය නාවික හමුදාවේ හෙළිකොප්ටර් යානයක් ද එක්වූ බවයි ඕස්ට්‍රේලියානු නාවික හමුදාව ප්‍රකාශ කර ඇත්තේ.
අරාබි මුහුදේ ජාත්‍යන්තර මුහුදු සීමාවේදී පසුගිය 3 වනදා මෙම මෙහෙයුම සිදුකර තිබෙනවා.
ඕස්ට්‍රේලියානු නාවික හමුදාව මගින් පසුගිය දෙසැම්බර් මාසයේදී ද මෙලෙස යාත්‍රාවකින් ප්‍රවාහනය කරමින් තිබූ හෂිස් මත්ද්‍රව්‍ය ටොන් 8 ක් අත්අඩංගුවට ගනු ලැබුවා.
(under the courtesy of nethnews.lk news web)
next post
