කොරෝනා මර්ධන ෆයිසර් එන්නත් මාත්‍රා තොගයක් මිළදී ගත් දකුණු ආසියානු කලාපයේ මුල්ම රට බවට ශ්‍රී ලංකාව පත්ව ඇතැයි රජය සදහන් කරයි.
එන්නත් මාත්‍රා 26000ක් අද පෙරවරුවේ මෙරටට ළඟා විය.
එම එන්නත් තොගය එන්නත් ගබඩා වෙත යොමු කර ඇති අතර ඇස්ටසෙනිකා දෙවැනි මාත‍්‍රාව ලෙස ලබා දීමටද රජය සැලසුම් කර ඇත.
කෙසේ වෙතත් යුනිසෙෆ් සංවිධාන මාලදිවයින් කාර්යාලය පසුගිය මාර්තු මස 25 වන දා සඳහන් කර ඇත්තේ මාල දිවයිනට ෆයිසර් එන්නත් 5800 තොගයක් ලබාදුන් බවයි.
රජයේ ප‍්‍රධානියෙක්ගෙන් මේ සම්බන්දයෙන් කල විමසීමකදී ඔහු කියා සිටියේ මාලදිවයිනට ලැබී ඇත්තේ මිලදී ගත් එන්නත් තොගයක් නොව ලෝක සෞඛ්‍ය සංවිධානයේ කොවැක්ස් වැඩපිළිවෙල යටතේ ප්‍රදානයක් බවයි.
