තමන් වහන්සේට සිදුකළ අපහාසයට රුපියල් මිලියන 100 ක වන්දියක් ගෙවන ලෙස නාරාහෙන්පිට අභයාරාම අධිපති පූජ්ය මුරුත්තෙත්තුවේ ආනන්ද හිමියන් විසින් ජනතා විමුක්ති පෙරමුණේ හිටපු පාර්ලිමේන්තු මන්ත්රී වසන්ත සමරසිංහ මහතාට නීතිඥවරයකු හරහා ලිපියක් යොමු යොමු කර තිබේ.
තමන් වහන්සේගේ වාහනයක් තිළිණි ප්රියමාලි නම් කාන්තාවට ලබාදී ඇති බවට වසන්ත සමරසිංහ මහතා චෝදනා එල්ල කරන ලද බවත් එය සම්පූර්ණයෙන් අසත්ය බවත් ආනන්ද හිමියන් කියා සිටිති.
තමන්ගේ වාහනය සොරකම් කරන ලද්දේ කොළඹ නාගරික මන්ත්රීවරියක විසින් බවද පැවසූ උන්වහන්සේ ඒ පිළිබඳව දැනටමත් අධිකරණයේ නඩු කටයුත්තක් ක්රියාත්මක වෙමින් ඇතැයි ද කියා සිටියහ.
තමන් වහන්සේට සිදුකළ අපහාසය වෙනුවෙන් රුපියල් මිලියන 100 ක වන්දියක් ගෙවන ලෙස දන්වා යවා ඇති බවත් එය නොගෙවන්නේ නම් අධිකරණයේ නඩු පවරන බවත් හිමියන් කියා සිටියහ.
