ලෝක වෙළෙඳපොළේ පවතින බොරතෙල් මිල ඉහළ යාම හමුවේ ඉදිරි මාසයේදී මෙරට ඉන්ධන මිලෙහි සංශෝධනයක් සිදුවිය හැකි බව ලංකා ඛනිජ තෙල් නීතිගත සංස්ථාවේ සභාපති ඩී.ජේ.ඒ.එස්. ද එස්. රාජකරුණා මහතා පවසයි. මාධ්‍ය වෙත අදහස් දක්වමින් සභාපතිවරයා සඳහන් කළේ මේ වන විට ලෝක වෙළෙඳපොළේ තෙල් මිල අඛණ්ඩව ඉහළ යමින් පවතින බවට වාර්තා පළවන බවයි.
ලෝක වෙළෙඳපොළේ සිදුවන මෙම මිල ඉහළ යාමේ සෘජු බලපෑම මෙරටට දැනීමට සාමාන්‍යයෙන් මාස එකක හෝ දෙකක කාලයක් ගතවන බව ඔහු පෙන්වා දුන්නේය. ඒ අනුව, වර්තමානයේ ලෝක වෙළෙඳපොළේ වැඩි වී ඇති මිල ගණන් ලබන මාසයේදී මෙරට ඉන්ධන මිල සූත්‍රයට අනුව දේශීය මිල ගණන්වලට එකතු වීමට වැඩි ඉඩකඩක් පවතින බව සභාපතිවරයා වැඩිදුරටත් අවධාරණය කළේය.
