යෝජිත නව දෙනියාය මූලික රෝහල සඳහා රුපියල් මිලියන 600ක පමණ වටිනාකමකින් යුත් අත්යවශ්ය වෛද්ය උපකරණ ලබාදීම වෙනුවෙන් ශ්රී ලංකාව සහ ඉන්දියාව අතර අවබෝධතා ගිවිසුමකට (MoU) ඊයේ (13) අත්සන් තැබිණි. සෞඛ්ය හා ජනමාධ්ය අමාත්යාංශයේදී පැවැති මෙම අවස්ථාවට සෞඛ්ය හා ජනමාධ්ය අමාත්ය ආචාර්ය නලින්ද ජයතිස්ස මහතා ද එක්ව සිටියේය.
මෙම ගිවිසුමට සෞඛ්ය හා ජනමාධ්ය අමාත්යාංශයේ ලේකම් ආචාර්ය අනිල් ජාසිංහ මහතා සහ ශ්රී ලංකාවේ ඉන්දීය මහකොමසාරිස් සන්තෝෂ් ජා මහතා අත්සන් තැබූහ. ‘ඩිcurrentට්වා’ (Ditwah) සුළි කුණාටුවෙන් පීඩාවට පත් සෞඛ්ය යටිතල පහසුකම් ප්රතිස්ථාපනය කිරීමේ අරමුණින් ඉන්දීය රජය විසින් ක්රියාත්මක කරනු ලබන විශේෂ ව්යාපෘතියක් යටතේ මෙම ආධාර පිරිනැමේ.
ඩිcurrentට්වා සුළි කුණාටුවෙන් පසු මතු වූ පාරිසරික සහ භූ විද්යාත්මක අවදානම් හේතුවෙන්, දෙනියාය සහ ඒ අවට ප්රදේශවල ජනතාවට වඩාත් ආරක්ෂිත සහ ගුණාත්මක සෞඛ්ය සේවාවක් සැපයීම සඳහා දෙනියාය මූලික රෝහල වඩාත් ආරක්ෂිත වෙනත් ස්ථානයක ස්ථාපිත කිරීමට බලධාරීන් පියවර ගෙන ඇත. ඒ අනුව ඉදිවන නව රෝහලට අවශ්ය නවීන වෛද්ය උපකරණ සැපයීම, ප්රතිකාර සේවා පුළුල් කිරීම මෙන්ම මාතර දිස්ත්රික්කයේ සහ අවට ප්රදේශවල ජනතාවට කාර්යක්ෂම සේවාවක් සැපයීම මෙමඟින් සහතික කෙරේ.
මෙම ගිවිසුම අත්සන් තැබීම ශ්රී ලංකාව සහ ඉන්දියාව අතර පවතින දිගුකාලීන මිත්රත්වය සහ සහයෝගීතාව තවදුරටත් ශක්තිමත් කරන්නක් බව අමාත්ය නලින්ද ජයතිස්ස මහතා මෙහිදී ප්රකාශ කළේය. පවතින රෝහල් පරිශ්රය නායයෑම් ඇතුළු ස්වාභාවික ආපදා අවදානමකට ලක්ව ඇති බැවින් සහ ඉඩකඩ සීමිත බැවින්, නව රෝහල ඉදිකිරීම සඳහා දෙනියාය නගරයේ සිට කිලෝමීටර් තුනක් පමණ දුරින් පිහිටි හැන්ෆර්ඩ් වතුයායෙන් (Handford Estate) සුදුසු ඉඩමක් භූ විද්යාත්මක හා තාක්ෂණික ඇගයීම්වලින් පසු හඳුන්වා දී තිබේ.
රුපියල් බිලියන හයක ඇස්තමේන්තුගත පිරිවැයකින් අදියර දෙකක් යටතේ මෙම ව්යාපෘතිය ක්රියාත්මක කිරීමට රජය සැලසුම් කර ඇත. ඇඳන් 300කින් යුත් මෙම නවීන රෝහලේ පළමු අදියර යටතේ පිරිමි, කාන්තා, ළමා හා මාතෘ වාට්ටු, ශල්යාගාර, දැඩි සත්කාර ඒකක, හදිසි අනතුරු හා හදිසි ප්රතිකාර ඒකකයක් සහ රුධිර බැංකුවක් ඉදි කෙරේ. මෙහි ඉදිකිරීම් කටයුතු මේ වසරේ ආරම්භ කර වසර තුනකින් අවසන් කිරීමට අපේක්ෂිතය.
මෙම අවස්ථාවට මාතර දිස්ත්රික් පාර්ලිමේන්තු මන්ත්රී ලාල් ප්රේමනාත්, දකුණු පළාත් ප්රධාන ලේකම් චන්දිම සී. මුහන්දිරම්ගේ, සෞඛ්ය හා ජනමාධ්ය අමාත්යාංශයේ අතිරේක ලේකම් ආචාර්ය කුමාර වික්රමසිංහ, සෞඛ්ය සේවා අධ්යක්ෂ ජනරාල් ආචාර්ය අසේල ගුණවර්ධන, දෙනියාය මූලික රෝහලේ වෛද්ය අධිකාරී ආචාර්ය මලාල් රාජපක්ෂ සහ ඉන්දීය මහකොමසාරිස් කාර්යාලයේ පළමු ලේකම් නාව්යා සිංග්ලා යන මහත්ම මහත්මීහු ඇතුළු නිලධාරීහු පිරිසක් එක්ව සිටියහ.
