ලේක්හවුස් ආයතන පරිශ්‍රයේදී හෙට (15) දින ‘ආරෝග්‍යා’ නමින් නොමිලේ පැවැත්වෙන විශේෂ ජංගම සෞඛ්‍ය සායනයක් සංවිධානය කර තිබේ.
ආයතනයේ සේවක මණ්ඩලය මෙන්ම ඒ අවට සිටින මහජනතාව වෙනුවෙන් සෞඛ්‍ය සම්පන්න ජීවන රටාවක් ප්‍රවර්ධනය කිරීම සහ මූලික සෞඛ්‍ය පරීක්ෂණ පහසුකම් සැලසීම මෙහි මූලික අරමුණ වේ.
මෙම සෞඛ්‍ය සායනය මඟින් රුධිර පීඩනය පරීක්ෂා කිරීම, දියවැඩියා රෝග විනිශ්චය, පෙනුම පරීක්ෂාවන් ඇතුළු අත්‍යවශ්‍ය වෛද්‍ය උපදේශන සේවාවන් රැසක් නොමිලේ ලබා ගැනීමට සහභාගිවන්නන්ට අවස්ථාව සලසා දී ඇත.
