රත්නපුර මහ වැසි… මාර්ග ජලයෙන් යටවේ..

අවසන් පැය 24 තුළ දිවයිනේ වැඩිම වර්ෂාපතනය රත්නපුර කකලටුවාව ප්‍රදේශයෙන් වාර්තා වන බව කාලගුණ විද්‍යා දෙපාර්තමේන්තුව පවසයි.

එම අගය මිලිමීටර් 150 කි.

එම කාලය තුළ වෝගන් වතුයාය ප්‍රදේශයට මිලිමීටර් 122.8 වර්ෂාපතනයක් සහ බණ්ඩාරගම ප්‍රදේශයට මිලිමිටර් 115.6 වර්ෂාපතනයක් ලැබී තිබේ.

මේ අතර එම කාලය තුළ දිවයිනේ බොහෝ ප්‍රදේශ වලට මිලිමීටර් 100 ඉක්මවූ වර්ෂාපතනයන් ලැබී ඇතිබව කාලගුණ විද්‍යා දෙපාර්තමේන්තුව පවසයි.

මේ අතර ප්‍රදේශ කිහිපයක මාර්ග ජලයෙන් යටවී ඇතිබව ආපදා කළමනාකරණ මධ්‍යස්ථානය පවසයි.

රත්නපුර ,කළුතර සහ ගාල්ල දිස්ත්‍රික්කයේ මාර්ග කිහිපයක් එලෙස ජලයෙන් යටවී තිබේ.

ඒ අනුව බුලත්සිංහල මෝල්කාව මාර්ගය ස්ථාන කිහිපයකින් ජලයෙන් යටවී තිබේ.

ගිංගඟේ අතුරු ඇළ මාර්ග පිටාර ගැලීමෙන් අතුරු මාර්ග කිහිපයක් ස්ථාන කිහිපයකින් ජලයෙන් යටවී තිබේ.

– නාගොඩ සුමන උදයන්ත